माँ गे माँ की कसूर हम केलियौ

माँ गे माँ की कसूर हम केलियौ
कह ने नजरिसँ खसि कोना गेलियौ

तोरेसँ कहलौं माँ दिल केर बतिया
तूँहीं हरै छें माँ सब के विपतिया
हमरा विपति किए, देलें नै जनलियौ
माँ गे माँ,,,,,,,,,,

दुर्गा भवानी तूँहीं, तूँहीं महरानी
हमर कल्याण नै करै छें कल्याणी
दुष्ट असुरके तारलें, हम ने तरलियौ
माँ गे माँ ,,,,,,,,,,,,,,,

अम्बे दुआरि आबि हम कानै छी
माता प्रसन्न भऽ जो विनती करै छी
कहौ अमित मिसियो स्नेह नै गमलियौ
माँ गे माँ ,,,,,,,,,,